НОВИ САД – Примаци испит на факултети Универзитета у Новим Садзе починаю нєшка, 22. юлия, и буду тирвац по 1. авґуст.
На студийскей програми Руски язик и литература, на хтору ше приявела єдна особа, примаци испит будзе 24. юлия на 11 годзин, а отрима ше го у Основней школи „Перша войводянска бриґада” (Селяцких бунох 51а, Нови Сад).
Перши испити буду отримани на Академиї уметносцох, а од штвартку, 24. юлия, почню и на других факултетох, медзи хторима Филозофски, Природно-математицки, Польопривредни, Правни, Факултет технїчних наукох и други.
Други уписни круг заказани за 8. и 9. септембер.
Универзитет наведол же термини за упис на мастер, специялистични и докторски студиї плановани од конца октобра по половку децембра.