БЕОҐРАД – Аґенция за безпечносц транспорту Републики Сербиї розписала Новорочни подоби конкурс за школярох першей класи основней школи. Циль конкурсу же би ше наймладших учашнїкoх у транспорту зацикавело о значносци безпечного справованя.
Тема конкурсу: Як випатра безпечни транспорт з дзецинскей перспективи. Школяре можу виберац мотиви, часци драги, правила, лєбо ситуацию котра им важна (драга до школи, преходзенє улїчки, воженє бициґли, дражки, преглядносц, справованє вожачох и шицко друге цо доприноши безпечносци).
Подобова робота може буц поробена зоз технїку по шлєбодним виборе, а препоручени формат А4 або А3. На другим боку робота муши буц подписана: мено и презвиско, класа и оддзелєнє, школа, адреса, и контакт телефон и мейл адреса.
Кажди школяр може послац лєм єдну роботу. Роботи посилац на адресу Аґенциї за безпечносц транспорту, Булевар Михайла Пупина 2, 11070 Нови Беоґрад. Назначене „ЗА НОВОРОЧНИ ПОДОБОВИ КОНКУРС – нє отверац”, найпознєйше до 22. децембра, а резултати буду обявени до конца януара.