РУСКИ КЕРЕСТУР – Карате клуб „Русин” зоз Руского Керестура орґанизовал урядове покладанє за паси. Покладанє отримане у спортскей гали, у просторийох дзе тренира карате клуб „Русин”.
Єст период кед ше лєм тренира, нє идзе ше на змаганя и пририхтує ше за покладанє за паси. То єден стимуланс же би дзеци баржей и вецей тренирали, же би ше намагали цо лєпше звладац кати и технїку котру робя на покладаньох.
Покладали 23 дзеци: дзешецеро за жовти пас, тройо за помаранчецови и дзешецеро за червени пас. Покладанє було успишне, шицки положели.
За жовти пас покладали: Лука Папуґа, Анета Попович, Кристиян Блаґоєвич, Леон Боднар, Дамян Венчельовски, Иван Чапко, Дориян Попович, Виктор Шимко, Ваня Премович и Миа Сабо.
За помаранчецови пас покладали: Милица Джакула, Матеа Бучко и Маша Ерделї.
За червени пас покладали: Дарко Еделински, Теодор Гарвильчак, Мартин Пашо, София Чуни, Александра Кекень, Маша Ковачевич, Лина Папуґа, Кристина Гарвильчак, Марко Еделински и Стефан Такач.
У комисиї на покладаню були Михайло Орос и Мишо Милосавлєвич, котри верховни судия за покладаня у Шотокан союзу.