РУСКИ КЕРЕСТУР – Женски рукометни клуб Русин внєдзелю, 1. децембра у спортскей гали у Руским Керестуре одбавел остатнє 11. першенствене стретнуце Другей лиґи Войводини процив екипи ЖРК Долово зоз Долова и зазначели пораженє зоз резултатом 23:33 (13:17).
За ЖРК Русин наступели – Лена Малацко, Рамач Милена, Валентина Гарди, Аня Симич, Теодора Русковски, Андрияна Штранґар, Марияна Сивч, Кяра Будински, Сабина Планчак, Александра Штранґар, Ема Венґрин, Тияна Сабадош и Николина Гарди.
При керестурских рукометашкох найвецей ше визначели капитен Александра Штранґар зоз посцигнутима дванац ґолами, а ефикасни були ище и Сабина Планчак и Кяра Будински хтори дали по штири ґоли.
Женски рускометни клуб одбавел ище єдно першенствене стретнуце пияток 29. новембра тиж у спортскей гали у Руским Керестуре, дзе у 10. колу Другей лиґи Войводини одбавел процив екипи ЖРК Ядран зоз Фекетичу и зазначел пораженє зоз резултатом 19:24 (7:12).
За ЖРК Русин на тим стретнуцу наступели – Лена Малацко, Рамач Милена, Валентина Гарди, Аня Симич, Теодора Русковски, Андрияна Штранґар, Марияна Сивч, Кяра Будински, Сабина Планчак, Александра Штранґар, Ема Венґрин, Изабела Макаї, Тияна Сабадош и Николина Гарди.
При керестурских рукометашкох найвецей ше визначели капитен Александра Штранґар зоз посцигнутима осем ґолами, потим Сабина Планчак хтора дала пейц ґоли и Кяра Будински хтора дала штири ґоли.
Зоз одбавеним 11. колом Другей лиґи Войводини, закончена перша полусезона у хторей ЖРК Русин забера остатнє 12. место на таблїчки зоз освоєнима двома бодами, дзе зазначели єдну побиду и дзешец пораженя.
