НОВИ САД – Покраїнски секретарият за образованє, предписаная, управу и национални меншини-национални заєднїци обявел резултати конкурсу за софинансованє програмох и проєктох унапрямених на унапредзованє правох националних меншинох-националних заєднїцох у АП Войводини за 2025. рок.
Медзи потриманима проєктами значне место забераю програми рускей националней заєднїци за хтори одобрене вкупно 1.636.000 динари.
Средства додзелєни за єденац проєкти, хтори реализую розлични установи, здруженя и културно-уметнїцки дружтва. Медзи нїма: КПД „Карпати” Вербас, КУД „Жатва” Коцур, КУД „Тарас Шевченко” Дюрдьов, Руска Матка, РНТ „Петро Ризнич Дядя”, КПД ДОК – Нови Сад, Дружтво за руски язик, литературу и културу, Руски културни центер и КПД „Дюра Киш” Шид.
Средства нє одобрени за два проєкти Союзу Руснацох и Українцох Сербиї.