НОВИ САД – Рост ценох примарних польопривредних продуктох означел предходни тидзень а конєц рока, очековано, принєсол зменшану активносц робно-берзанских учашнїкох, сообщене зоз Продуктней берзи Нови Сад.
Вкупни обток од 16. по 20. децембер виношел 1.404 тони роби (-76,30% у одношеню на тидзень скорей), вкупней финансийней вредносци 35.987.460,00 динари.
Берзански контракти за кукурицу заключени у ценовним обсягу од 19,00 дин/кг без ПДВ-a по 19,80 дин/кг без ПДВ-a. Пондерована цена була 19,70 дин/кг без ПДВ-a (21,67 дин/кг з ПДВ-ом), указуюци рост од 1,20% у одношеню на тидзень скорей.
Жито ше предавало у ценовним розпону од 23 по 23,50 дин/кг без ПДВ-а. Пондерована цена була 23,22 дин/кг без ПДВ-a (25,54 дин/кг з ПДВ-ом), так же цена жита зазначела рост од 1,97% у одношеню на тидзень скорей.
Купци були заинтересовани за ярец и вон забера 48% у вкупним обтоку. Контракти заключовани по цени 23,50 пo 23,80 дин/кг без ПДВ-a. Пондерована цена була 23,53 дин/кг без ПДВ-а (25,88 дин/кг з ПДВ-ом), за 3,42% векша у одношеню на тидзень скорей.
Зоз зарном сої ше нє тарґовело. Минерални гной УРЕА 500/1 предавани по 45,99 дин/кг (392 евра/т) без ПДВ-a.