НОВИ САД – У Музею Войводини, на пондзелок, 15. децембра на 13 годзин будзе преподаванє на тему: Очуванє нєматериялного културного нашлїдства у Сербиї: приклади очуваня музичного нашлїдства.
Преподавац будзе етномузиколоґ, наукова совитнїца у Музиколоґийним институту САНУ др Данка Лаїч Михайлович. Слова будзе о Унесковей Конвенциї за очуванє нєматериялного културного нашлїдства (НКН) зоз 2003. року и єй применьованю у Сербиї, о принципох роботи и процедурох у державней системи, а зоз власного искуства окреме ше огляднє на очуванє музичней пракси, укаже на виволаня у идентификованю и уписованю на националну лїстину НКН, як и на окремносц обдумованя планох очуваня.