БЕОҐРАД – До тераз за парламентарни виберанки у Сербиї преглашени 18 лїстини.
Републична виберанкова комисия (РИК) на схадзки отриманей 28. новембра преглашела Виберанкову лїстину „Русийска странка – Слободан Николић”, як и Ришенє зоз хторим потвердзене же тота Виберанкова лїстина ма положенє виберанковей лїстини националней меншини на виберанкох за народних посланїкох Народней скупштини, расписаних за 17. децембер. На гласацким лїстку будзе на шеснастим месце.
На истей схадзки преглашена и виберанкова лїстина „Чедомир Йованович – муши иншак”, за виберанки за народних посланїкох Народней скупштини, хтори розписани за 17. децембер. На лїстини 173 кандидати за народних посланїкох, а на гласацким лїстку будзе на седемнастим месце.
На 30. схадзки, отриманєй 28. новембра преглашена виберанкова лїстина „Албанска демократска алтернатива – Зєдинєна долїна” за виберанки за народних посланїкох Народней скупштини, хтори розписани за 17. децембер. Лїстина ма положенє виберанковей лїстини националней меншини, а на гласацким лїстку будзе на осемнастим месце.