РУСКУ КЕРЕСТУР – Фодбалски клуб „Русин” орґанизує лєтни ноцни турнир у малим фодбалу хтори почнє 6. юлия и будзе ше бавиц на терену у Старей школи у Руским Керестуре.
Тогорочни лєтни ноцни турнир у малим фодбалу будзе у трох катеґорийох – сениоре, ветеранє и пионире.
Сениоре – бавиц ше будзе по формату 5 + 1, а у екипи найвецей може буц приявени 10 бавяче, котизация 12 тисячи динари.
Ветеранє (35+ роки) – бавиц ше будзе по формату 5 + 1, а у екипи найвецей може буц приявени 10 бавяче, котизация 5 тисячи динари.
Пионире (2012–2017) – бавиц ше будзе по формату 5 + 1, а котизация 3 тисячи динари.
Наградни фонд лєтного ноцного турнира за сениорох роспоредзени на шлїдуюци способ: побиднїк турнира освої 180 тисячи динари, другопласовани освої 50 тисячи динари, док трецепласована екипа освої 20 тисячи динари.
Кед слово о ветеранох, наградни фонд роспоредзени на шлїдуюци способ: побиднїк турнира достанє 50% од котизацийох, другопласовани достанє 30% од котизацийох, док трецепласована екипа достанє 20% од котизацийох.
Шицки информациї мож достац на числа телефонох: 065/51-20-238 Желько Орос, 065/51-19-779 Иван Чапко и 065/53-51-878 Михайло Хома.
Орґанизатор ноцного турнира у малим фодбалу ФК „Русин”.