РУСКИ КЕРЕСТУР – У Основней и штреднєй школи зоз домом школярох Петро Кузмяк вчера отримана роботня на тему „Безпечносци дзецох у позарядових ситуацийох”, дзецом першей и другей класи основношколского возросту котру отримал Владимир Будински, професийни огньогашец зоз огньогасней єдинки у Кули.
З тоту роботню у Школи почал нови проєкт з меном „Вєдно и безпечно през дзецинство” котра часц проєкту цо го вєдно порушали Министерство просвити и Министерство нукашнїх дїлох.
Проєкт у двох часцох будзе реализовани за шицки возрости у обидвох полрочйох у школским 2024/2025. року, а предлуженє є прешлорочного подобного проєкту котри указал добри резултати у подручу безпечносци наймладших.
Циль и терашнього проєкту освидомйованє школярох о пошлїдкох насилного справованя у реалним и виртуaлним окруженю и подобне, та же би цо вецей научели як безпечно участвовац у транспорту и як ше справовац у позарядових ситуацийох.
