РУСКИ КЕРЕСТУР – У Доме школярох Основней и штреднєй школи „Петро Кузмяк”, 7. новембра отримана роботня о безпечносци на интернету, на хторей участовали штредньошколци змесцени у интернату.
Роботню реализовала Изабела Раскович, дипломовани психолоґ и вонкашнї сотруднїк за насилство у Министерстве просвити, Школскей управи зоз Зомбора, а у рамкох проєкту „Безпечно на мрежи” котри Школа „Петро Кузмяк” витворює з потримовку Покраїнского секретарияту за образованє.
Школяре на роботнї мали нагоди упознац ше зоз формами насилства и їх превозиходзеньом у онлайн просторе.
Роботню и госцинску привитали директорка Школи Наталия Будински и педаґоґиня Любица Няради.
