НОВИ САД – На Сайме туризма у Новим Садзе, пияток 1. децембра 2023. року на 13 годзин будзе презентована кнїжка „Rusinski tradicionalni kuvar – po receptima moje majke”, котру обявело НВУ „Руске слово”, у рамикох представяня Туристичного здруженя Руски Керестур.
Презентованє рускей традицийней кухнї и прекладу рускей кухарки по сербски будзе на штанду Покраїнского секретарияту за привреду и туризем АП Войводини, а будзе го водзиц предсидателька Туристичного здруженя Руски Керестур и єдна з авторокох рецептох Любица Няради.
Планована вистава фотоґрафийох єдлох авторки Ивани Медєши, а о рускей ґастрономиї буду бешедовац авторки рецептох Блажена Хома Цветкович и Любица Няради.
За госцох будзе орґанизовани и руски етно стол, зоз послуженьом руских єдлох.