НОВИ САД – Европска хижа Нови Сад порушує стретнуца „Отворени студио Европа: уметнїки у диялоґу” з цильом же би ше зишли уметнїки зоз Сербиї и Европскей униї, а хтори жию у Сербиї, през рижни уметнїцки форми, сообщене зоз Европска хижа Нови Сад.
Перше стретнуце будзе на пияток 28. фебруара у Французким институту у Новим Садзе (Булевар Деспота Стефана 5) на 18 годзин.
Кажде случованє у рамикох сериялу дава нагоду публики упознац ше зоз уметнїками и їх роботу през рижни форми презентациї – през бешеду, водзенє през уметнїцки процес, концерти, фолмски проєкциї, та и през вистави и перформанси.
Идея Отвореного студия Европа створиц простор за диялоґ медзи уметнїками и зоз публику през отворени и приємни приступ ґу уметносци.