ДЮРДЬОВ – У Грекокатолїцкей церкви Рождества Пресвятей Богородици у Дюрдьове святочно преславена радосц Рождества Христового.
На Вилїю, вовторок 6. януара, на 8 годзин рано були Царски часи, а на 9 г. Служба Божа св. Василия Велького зоз вечурню. Вечар на 22 годзин було Повечерє вельке, Саночне, котре служел о. Борис Холошняй, а за клиросом шпивали члени Церковного хора „Розанов”, з нїма и домашнї священїк о. Михаил Холошняй, як и мастер филозофиї и теолоґиї Страхиня Здравкович, котри на пракси у дюрдьовскей церкви.
Стреду, 7. януара, на перши дзень Крачуна на 10 годзин була Литурґия св. Йоана Златоустого, а на 18 годзин вечурня.
Нєшка, штварток, 8. януара, на други дзень Крачуна, Собор Пресвятей Богородици, на 10 годзин будзе Литурґия св. Йоана Златоустого, а 18 годзин вечурня.
На ютре, на пияток, 9. януара на треци дзень Крачуна, на швето св. Першомученїка и архидиякона Штефана, на 10 годзин будзе Литурґия св. Йоана Златоустого и мированє, а на 18 годзин вечурня и мированє.
После вечурнї будзе гуманитарни Рождественски концер на котрим буду участвовац дюрдьовски Церковни хор „Розанов” и госци, квинтет „Огня Осєцкого” зоз Осєку зоз Републики Горватскей.
