РУСКИ КЕРЕСТУР – Тогорочни Екуменски фестивал духовней музики Емаус фест будзе отримани 24. мая. Учашнїки ше можу приявиц по 25. април.
Треци Емаус фест ше тиж отрима у Марийовим святилищу Водици и у просторийох Каритасу у Руским Керестуре.
Перша часц – заєднїцка розгварка на тему Богови нїч нє нєможлїве (Лука 1:37) як и преподаванє на тему „Чувствительносц, духовносц и гумор” буду у Каритасу, а вистава фотоґрафийох и концерт у Водици.
На концерту буду виведзени духовни шпиванки рижних музичних жанрох, од класичних, рижних традицийих по сучасни, а приявиц ше мож на телефони 0638021165 (Янко Катона) або 0658704084 (Александар Планкош).