РУСКИ КЕРЕСТУР – Вноци 24. априла у нєпогоди з дижджом и гирменьом на 21:30 годзин тресло до годзини на турнї Катедралней церкви св. оца Миколая, прецо очкодована и елетрична инсталация за дзвони.
Прето вчера цали дзень дзвони нє дзвонєли и годзина станула, а як дознаваме од пароха катедралного о. Владислава Варґу чкоди од грома єст и у самим парохийним будинку.
Церковни одбор превжал потребни мири за оправку, чкода досц велька и роби ше на тим же би ше цо скорей оправело тото цо страдало. По парохових словох подобне ше случело и пред дзевец роками, а таке ше случує понеже нєт громобран на турнї цо барз драга инвестиция.
Обчекує ше же о дзень два, дзвони на катедралней церкви знова задзвоня.