ПРИЄПОЛЄ – У рамикох проєкту Диґитална експедиция т.є. Каравану диґиталних схопносцох, писменосци и безпечносци котри вчера пребувал у Приєполю, школяр ОШ „Петро Кузмяк” Исак Новта вєдно зоз Тамару Радловачки школярку зоз Вершцу, презентовали компютерске бависко „Понґ”.
Бависко презентовали пред представителями Влади Републики Сербиї, т.є. премиєрку Ану Брнабич, министерку просвити Славицу Дюкич Деянович и министром информованя и телекомуникацийох Михайлом Йовановичом, як и пред заинтересованима гражданами Приєполя.
Премиєрка там нащивела Диґиталну експедицию и виставу прикладох применьованя диґиталних технолоґийох у процесу образованя.
Исак и Тамара бависко „Понґ” програмовали у рамикох кампанї кандидатури Сербиї у Паризу, за домашнього вистави Ехспо-Беоґрад 2027. Їх, як и директорку керестурскей Школи Наталию Будински за тоту нагоду поволали орґанизаторе Диґиталней експедициї.
Тот проєкт ма циль звекшац свидомосц гражданох о значносци диґиталних схопносцох и писменосци през роботнї на рижни теми з тей обласци. Диґитална експедиция порушана 2021. року на инициятиву предсидательки Влади, двох министерствох и Канцелариї за ИТ и еУправу, у сотруднїцтве з медзинароднима орґанизациями. А Караван нащивює вецей городи по Сербиї.
