ДЮРДЬОВ/ҐОСПОДЇНЦИ – Швето Обрезаниє Исуса Христа и Василия Велького у дюрдьовскей Грекокатолїцкей церкви Рождества Пресвятей Богородици означене стреду, 14. януара.
Того дня Литурґия була на 10 годзин, а Вечурня на 18 годзин. Служел их домашнї священїк о. Михаил Холошняй котри на концу служби пречитал парохиялну статистику.
Прешлого 2025. року покресцени аж 23 особи, цо позарядово вельо поровнуюци остатнї даскельо децениї. З того 11 дзивчата и 12 хлапци. Повиначни три пари, а умарли дванац особи, пейц жени и седем хлопи. О. Михаил гварел и же, Слава Богу у прешлим року нє було барз вельо хованя як прешлих рокох, алє и же, Слава Богу було вельо кресцини.
Понеже по юлиянским календару, вчера бул початок Нового року, шицки вєдно одшпивали На многоя Лїта, а о. Холошняй пожадал же би тенденция статистики у матичних кнїжкох и надалєй була така, и же би и надалєй було вецей покресцених, як тих цо напущую жемски живот.
Исти дзень, у Грекокатолїцкей церкви св. архангела Михаїла у Ґосподїнцох на 8 годзин була Литурґия, служел ю домашнї священїк о. Михаил Холошняй.
Статистика зоз парохиялней статистики тей нашей парохиї шлїдуюца: покресцене єдно дзивче, винчаня нє було, а умарли два особи.
