ДЮРДЬОВ – У голу Основней школи „Йован Йованович Змай” вчера, 27. януара, зоз святочну програму означена школска слава святи Сава.
Пред програму, як и каждого року, православни священїк о. Радоє Маркович пошвецел школску икону, а потим славски колач преламали кумово, односно члени школярского парламенту. школску славу шицким повинчовала директорка школи Любица Клепич.
У програми, хтору пририхтал школски колектив зоз школярами нїзших и висших класох, присутних здогадли на живот св. Сави през шпиванки и поезию.
Присутни на програми були дзеци, їх родичи и заняти у школи, як и пензионере хтори дакеди були члени школского колективу.
