ҐОСПОДЇНЦИ – Роботи на оправяню Церкви святого архангела Михаїла у Ґосподїнцох тирваю уж два тижнї, а главни поднїматель Михал Балоґ зоз Дюрдьова.
Закрице на церкви почало премакац, a после подробнєйшого препатрунка церкви заключене же ше закрице муши заменїц. Роги на закрицу ше нє будзе рушац, алє ше знїма стари лати и стари череп, понеже закрице було барз угнуте. Положи ше и термоизолация и нови, лєпши череп, та и нови лївки зоз лиму.
Пенєж за тоту инвестицию церква достала од нємецкей орґанизациї ,,Kirche in Not”, а цала инвестиция будзе виношиц коло осемнац тисячи еври.
