У Матици сербскей будзе представена моноґрафия Райка Каришича

автор В. Вуячич
215 Опатрене

НОВИ САД – У Шветочней сали Матици сербскей нєшка, 24. октобра, на 18 годзин будзе представена кнїжка, „50 роки зоз фотоґрафию” (50 година са фотографијом) Райка Каришича.

Райко Каришич, подобови уметнїк фотоґрафиї УЛУПУДС (Здруженє подобових умртнїкох применєних уметносцох и дизайнерох Сербиї), зоз фотоґрафию ше почал занїмац од 1973. року у Фото кино клубу „Машинац” на Машинским факултету у Новим Садзе.

За остатнї 50 роки континуованей роботи на фотоґрафиї доновал опремени фотоґрафиї велїм институцийом и установом як цо то манастири Хиландар, Студеница, Бодяни, Велька Ремета, потим Общей болнїци и Дому здравя „Велько Влахович” у Вербаше, Академскому хору Ґлинка зоз Санк Петербурґа и Ґимназиї „Жарко Зренянин” у Вербаше.

Райко Каришич народзени 1952. Року у Бачким Добрим Полю (општина Вербас), дзе закончел основну школу, а потим закончел Ґимназию „Жарко Зренянин” у Вербаше и Машински факултет у Новим Садзе, у януару 2022. постал порядни член Матици сербскей у Новим Садзе.

ПОВЯЗАНИ ТЕКСТИ