У новим „Руским слове”

автор А. Паланчанин
274 Опатрене

НОВИ САД – У трицец седмим чишлє новинох „Руске слово” на Тижньовнїку обявени теми хтори ше одноша на проблеми у образовних установох, а у вязи су зоз наставу на руским язику. Иста тема була и схадзки Одбору за образованє Националного совиту Руснацох.

У рубрики Нашо места обявени звит зоз схадзки Управного одбору Рускей матки, о розпочатих роботох на парохийох у Руским Керестуре и Ґосподїнцох, будованю новей драги до Нового Орахова, як и о туристичним понукнуцу општини Шид.

На бокох Економиї о початку обераня паприґи и заробку польопривреднїкох од тей култури. Духовни живот приноши текст о преслави 130 рокох парохиялней церкви у Петровцох.

Рубрика Култура и просвита у тим чишлє пополнєта зоз трецим предлуженьом фельтону о 270 рокох образованя по руски, потим ту и текст о першей подобовей колониї „Марио арт. На бокох Людзе, роки, живот зазначене стретнуце з Марину Хома зоз Нового Саду.

У першим плану на рубрики Спорт резултати зоз стретнуцох наших клубох прешлого тижня и текст о змаганю рибарох у рамикох Спортских бавискох „Яша Баков”.

Як и вше ту рубрика Хладок и горуци тепши зоз новим рецептом за ґаздинї, а як додатки вишли Мозаїк и Руске словечко.

ПОВЯЗАНИ ТЕКСТИ