НОВИ САД – У пиятим чишлє новинох „Руске слово” у рубрики Тижньовнїк мож пречитац текст о тим же НВУ „Руске слово” робело на виробку нового закона о явним информованю и текст о святочней програми у КПД Карпати у Вербаше з нагоди Националного швета Руснацох.
У рубрики Нашо места пише о схадзки Совиту Месней заєднїци Руски Керестур, о тим же надгробни памятнїк Йожефа Киша, проєктанта Велького бачкого каналу хтори ше находзи на брещку при преводнїци у Вербаше, преглашени за памятнїк култури.
У рубрики Економия тексти о знїчтожованю мишох на польох у дюрдьовским хотаре и о медзинародним сайму вина у Темерину, на хторим за свойо вино награди освоєли и Руснаци.
На бокох Култураи и просвити тексти о промоциї студиї „Арсениє Теодорович и Арсениє Маркович – двоме уметнїки Новосадянє у Крижевскей епархиї” у Културней станїци „Едьшеґ” у Новим Садзе. Вец тексти о тим же доц. др Александер Мудри зоз Оддзелєня за русинистику достал награду CERM 2023 за найлєпшу докторску дисертацию о националних меншинох.
У рубрики Спорт тексти о тим же Спортске здруженє Спортских бавискох „Яша Баков” будзе загашене и така одлука принєшена на Рочней скупштини 28. януара, у Дюрдьове.
Як додатки у тим чишлє вишла Дикица и Мозаїк.