ВУКОВАР (ГОРВАТСКА) – Вечар Руснацох „Бал” городу Вуковару будзе отримани на соботу, 31. януара з початком на 19 годзин, у шветочней сали Роял (Улїца: Vijeća Europe 143).
60. Вечар Руснацох „Бал” городу Вуковару почнє зоз културно-уметнїцку програму у хторей буду участвовац КУД Яким Гарди Петровци и домашнї КУД Осиф Костелник, а потим ушлїдзи вечера зоз танцом. За музику и веселу атмосферу будзе задлужени Пицикато бенд.
Госц на културно-уметнїцкей програми будзе Женска шпивацка ґрупа Дома култури Руски Керестур, у наступу буду мац першу промоцию їх нєдавно знятого ЦД-у.
Уходнїци од 30 евра по особи, а до цени урахована вечера и нєогранїчене пице, мож резервовац у просторийох Союзу Руснацох Републики Горватскей и КУД Осиф Костелник (Vijeća Europe 93), зоз наяву од 8 до 20 годзин на число мобилного телефона +385 098 955 7732 и од 8 до 13 годзин на число мобилного телефона +385 091 503 3433.
Орґанизаторе 60. Балу Союз Руснацох Републики Горватскей и КУД Осиф Костелник Вуковар, а финансийно Вечар Руснацох потримали город Вуковар и Совит за национални меншини Републики Горватскей и Рада рускей националней меншини городу Вуковару.