ВЕРБАС – Покраїнска влада финансує програму вчасного одкриваня карциному плюцох, у чиїм запровадзованю участвує и Дом здравя „Велько Влахович” Вербас. Програма наменєна курячом и бувшим курячом старосци од 50 по 74 роки.
Тоти котри сполнюю утвердзени критериюми треба же би ше явели свойому вибраному дохторови и буду препатрени. Можу ше приявиц и тоти котрим прешло менєй як рок од мамоґрафиї и ЦТ плюцох, алє знїманє годни зробиц накадзи прейдзе рок од предходних дияґностичних знїманьох.
Скрининґ подрозумює препатрунок за одкриванє карциному плюцох з помоцу нїзкодозного скенеру (ЛДЦТ), котри може приказац менши туморски цинї котри барз чежко видлїви у звичайних дияґностичних поступкох.
Препатрунки безплатни и запровадзує ше их у Общим шпиталю Вербас.