НОВИ САД – Видрукована и нова кнїжка Сашу Палєнкаша „Шарканї и делфини”.
То кнїжка драмских текстох з кратким приручнїком за пририхтованє представи, та ю можу хасновац нє лєм дзеци, алє и режисере-аматере, як и просвитни роботнїки.
Илустрациї нарисовала Яна Варґа, а рамик обдумал Иґор Орсаґ.
Друкованє тей кнїжки финансийно помогнул Покраїнски секретарият за културу, явне информованє и одношеня з вирскима заєднїцами.
Кнїжка кошта 500 динари (на попусту будзе коштац 350), а мож ю купиц у представительствох НВУ „Руске слово” – у Новим Садзе на адреси: Футожска 2, ІІІ поверх (од 9 по 14 годзин) телефон 021/6613-697. У Руским Керестуре у будинку дакедишнєй Друкарнї на II поверху и на телефон 025/51-00383 або 025/703-311 (од 9 по 14 годзин), як и прейґ колпортерох по наших местох.
Тиж так, тоту, як и други кнїжки „Руского слова” годно наручиц и прейґ сайту knjizkiporuski.com.