НОВИ САД – Тогорочне 42. число новинох Руске слово у рубрики Тижньовнїк пише о схадзки Координациї националних совитох, а на бокох рубрики Нашо места, медзи иншим, дате огляднуце на вибор за Мис Рускинї 2025.
О урожаю паприґи у керестурским и хотаре жабельскей општини пише на бокох Економиї, дзе и напис о ремеселнїцких продуктох виложених на манифестациї „Михалово стретнуца валалох”.
Мозаїк понука читачом интересантни напис о розликох у ґенерацийох, а Руске словечко розгварку зоз Владимиром Тимковим зоз Дюрдьова.
На бокох Култури и просвити найзначнєйши напис о медзинароней науковей конференциї „Интеркулт” дзе свойо роботи презентовали и нашо науковци, а окремне место завжал и текст о активносцох наших школярох у Дзецинским тижню.
Рубрика Людзе роки живот понука перше предлуженє розгварки зоз школяром першей повойновей ґимназиї у Руским Керестуре Любомиром Хромишовим зоз Кули, а на бокох Духовного живота зазначени Кирбай у Старим Вербаше, наступ Женскей шпивацкей ґрупи з Керестура у Републики Словацкей, як и перше предлуженє репортажи о паломнїцтву до Словацкей.
Спорт информує о резултатох наших спортских фодбалских и рукометних клубох у вецей катеґорийох, а ту и нови рецепт на боку Горуци тепши.
Од Наших музичарох у тим чишлє представена Оксана Марянац, народзена Рамач, з Футоґу.