НОВЕ ОРАХОВО – Штварток, 28. марца у орґанизавиї Месней заєднїци Нове Орахово, Општини Бачка Тополя и Националного совиту мадярскей националней меншини отримана 52. Медзинародна вистава ручних роботох и колекцийох на хторей виложени 26 роботи и колекциї членох КУД „Петро Кузмяк ”.
Манифестация ше отримує у ОШ „18. октобер”, а будзе тирвац до 1. априла.
На штвартковим отвераню конферансу по руски водзела Даниєла Бицок, а були присутни члени КУД „Петро Кузмяк”, хтори мали виложени роботи, предсидателька дружтва Таня Дудаш, хтора визначела же ше тота вистава отримує од 1970. року, а на нєй скоро вше Русанци маю виложени свойо ручни роботи.
