Вистава „Транспарент” Даряна Гардия

автор В. Вуячич
302 Опатрене

БРАТИСЛАВА (СЛОВАЦКА) – У Ґалериї НОВА (Баштова 2), нєшка, пондзелок 16. октобра, на 18 годзин будзе отворена вистава „Транспарент” уметнїка Даряна Гардия.

Виставу ше реализує у рамикох циклусу камерних виставох „Роздумуйце рисуюци”. Автор Дарян Гарди у виложеним проєкту „Транспарент” и у своїх рисункох жада пояшнїц и тематизовац примарни рух руки як главни „алат” уметнїков.

Вистава будзе тирвац по 1. децембер.

Дарян Гарди (1994) зоз Руского Керестура, закончел Стредню школу за дизайн „Боґдан Шупут” у Новим Садзе, основни студиї на Академиї  подобових уметносцох и дизайну у Братислави (Словацка), дзе студирал илустрацию у ателєу професора Душана Калая. Єден семестер бул и на Академиї подобових уметносцох у Ґрадньску (Польска), а мастер студиї закончел на Академиї подобових уметносцох, архитектури и дизайну у Праги (Ческа). У своєй роботи найчастейше ше враца рисунку, зоз рижнима алатами и технїками. Часто прави колажи, вецейпасмово пастелни рисунки. Занїма ше и зоз фотоґрафию и ґрафичним дизайном. Жиє у Праги (Ческа).

ПОВЯЗАНИ ТЕКСТИ