СМЕДЕРЕВСКА ПАЛАНКА – Заєднїцка подобова вистава двох уметнїкох Влади Нярадия зоз Вербасу и Миряни Тиянич зоз Нишу будзе отворена у Ґалериї сучасней уметносци у Народним музею у Смедеревскей Паланки.
Владо Няради и Миряна Тиянич виложа роботи у комбинованей технїки на паперу, а обробели два боки истей теми – конєц швета – у форми дихотомиї розпадованя, руптури Жеми з єдного боку, а мутациї и борба за обставанє живих єствох з другого боку.
Шветочне отверанє будзе 4. септембра на 19 годзин у Ґалериї.
Виставу годно опатриц по 30. септембер.