БЕОҐРАД – З нагоди 22. янура Дня соборносци Амбасада України у Републики Сербиї у Коментару гвари же скорей 106 роки, на Софийскей площи у Києве, у шветочней атносфери, отримане преглашенє Акта униї (зєдинєня) Українскей Народней Републики и Заходноукраїнскей Народней Републики до єдинственей нєзависней держави.
Праве тота значна историйна подїя допринєсла зєдинєню шицких Українцох хтори були часц двох царствох того часу – Австроугорского и Русийского, а препасц империйох и национална свидомосц дали народу України можлївосц витвориц свой виковни сон, створиц власну державу, пише у допису Амбасади України.
Подобнє, на своєй историйней драги, у истим историйним периодзе, витворени и сон о зєдинєню Сербох, хтори були под власцу Австроугорскей и Османскей империї. Славянски народи конєчно витворели право на самоопредзелєнє кед зоз себе зруцели царске ярмо. И то нє нєсподзиваюце, бо нє мож одрекац историйну припадносц Европи шлєбодней и нєзависней Уркаїни и Сербиї, а нє мож анї застановиц драгу зєдинєня шицких европских народох. Сиґурне же придзе час кед и держави и їх гражданє постаню полноправни члени єдней европскей фамелиї – Европскей униї, гвари ше у сообщеню Амбасади України у Републики Сербиї.