СРИМСКИ КАРЛОВЦИ – Традицийна манифестация Фестивал ґуґлофу того року будзе наиходзаци два викенди, од 24. по 26. май и од 31. мая по 2. юний, у центре Сримских Карловцох. Змаганє за найлєпши ґуґлоф будзе лєм 25. мая.
Кажди дзень будзе саямска вистава на централней городскей площи на пешацкей зони.
На пияток, 24. мая, на 11 г у Фондациї „Завичайна хижа”, Андрея Волноґ 1а, будзе отворена вистава малюнкох, а на 16 г у центре почнє роботня за наймладших „Шашави ґуґлоф”, на 17 годзин будзе наступ танєчней ґрупа „Алтаир”.
Змаганє у правеню ґуґлофа будзе на соботу, 25. мая почнє на 10 годзин, кед почнє и фестивалска колона и придаванє слатких експонатох.
Музична програма будзе през обидва викенди, а буду наступац тамбураше, хори и музични ґрупи, рижни програми за наймладших, роботнї на хторих ше будзе правиц ґуґлофи.
Локална Туристична орґанизация орґанизує и пешацки тури по Сримских Карловцох соботу и нєдзелю на 12:30 годзи, обидва викенди.