РУСКИ КЕРЕСТУР – Перша фаза роботи Комисиї за партикуларне право Епархиї св. оца Миколая котра започала зоз роботу вовторок, 21. марца закончена пияток, 24. марца.
У роботи комисиї участвовали епарх Георгий Джуджар, владика Димитрос Салахас зоз Греческей, декан бачки протоєрей ставрофор о. Владислав Рац, протоєрей ставрофор о. Владислав Варґа, протоєрей ставрофор о. Юлиян Рац и секретар Комисиї протоєрей ставрофор о. мр Дарко Рац.
За кратки период наисце вельо поробене, виявел за Рутенпрес о. Владислав Варґа. Госц зоз Греческей кир Салахас ше стретнул зоз шестрами Служебнїцами НДМ и нащивел манастири и у Руским Керестуре и у Коцуре. Стретнул ше и зоз малу шестру Мартину, монахами Василиянами ЧСВВ у їх манастире и на праохиї у Кули, та з младима и дзецми котри пиятками ходза на друженя.
Нащивел и Водицу та визначел єй значносц. Присуствовал и на всеночним пред шветом Благовищеня Пресвятей Богородици и на таки способ видзел живу Церкву и живот вирних у нашей Епархиї. Подзековни є за шицко и нєшка уж одходзи назад до Греческей.
