РУСКИ КЕРЕСТУР – Женски рукометни клуб Русин внєдзелю 16. марца у Руским Керестуре одбавел треце першенствене стретнуце у другей полусезони Другей лиґи Войводини зоз екипу ЖРК „Петроварадин” зоз Петроварадину и поражени су зоз резултатом 19:39 (8:21).
За ЖРК Русин наступели – Сабина Планчак, Оля Матияшевич, Аня Сендерак, Милена Рамач, Валентина Гарди, Хана Будински, Аня Симич, Андрияна Штранґар, Марияна Сивч, Кяра Будински, Александра Штранґар, Ема Венґрин, Йована Шилованович и Николина Гарди.
Екипи Русина зоз лавочки помагали Доминика Планчак и Нада Сабадош.
Ґоли за екипу Русина дали: Аня Симич (6), Сабина Планчак (5), Александра Штранґар (5), Андрияна Штранґар (2) и Кяра Будински (1).
Тренер – Сабина Планчак.
У идуцим першенственим стретнуцу ЖРК „Русин” будзе бавиц у Руским Керестуре зоз екипу ЖРК „Словен 2” зоз Руми.
