РУСКИ КЕРЕСТУР – Здруженє спортских рибарох (ЗСР) „Коляк” з Руского Керестура на нєдзелю, 22. септембра, орґанизує змаганє у спортским риболову на дуґов, а приявиц ше мож по пияток 20. септембер.
Сход шицких заинтересованих змагательох, а котри муша буц члени ЗСР, на 7 годзин рано на базену у рибарским доме. Змаганє будзе тирвац три годзини, а рибу ше будзе лапац з єдним циґоньом.
После змаганя будзе обезпечени полудзенок за шицких змагательох, а зоз собу треба вжац лєм прибор за єдзенє.
Приявиц ше мож при Миркови на число телефона 064/268-37-51, а за шицки подробнєйши информациї наволац 060/703-7944.