РУСКИ КЕРЕСТУР/КУЛА – Нєзаняти особи з местох кулскей општини можу пойсц безплатно на ютрейши Саям обезпечованя роботи у Кули на порядних автобусних линийох, за цо треба указац белави евиденцийни картон з Националней служби за обезпечованє роботи. З Руского Керестура на Саям годно пойсц на автобусу хтори до Кули идзе на 9,40 годзин з Авtобускей станїци.
Саям обезпечованя роботи у Кули на ютре, 1. юния, будзе отримани у сали „Непкер” од 11 до 13 годзин, а найвецей – 200 роботни места понука компания „Флорано”, хтора, як наявене з локалней самоуправи, на индустрийней зони у Кули будзе будовац свой продукцийни погон.
Саям орґанизує кулске оддзелєнє зомборскей филияли Националней служби за обезпечованє роботи.