КОЦУР – Внєдзелю, 3. юния, у остатнїм колу Подручней лиґи Суботица, „Искра” на домашнїм терену дочекала екипу „Пролетер” зоз Нєґошева и победзела зоз резултатом 6:1.
Ґоли за „Искру” дали Даниєл Радулович 2, Зоран Сердар 2 и Ненад Шанта 2.
Зоз тоту побиду „Искра” сезону закончела на трецим месце на таблїчки зоз 58 освоєнима бодами. Треце место єй обезпечує бависко у баражу за уход до Войводянскей лиґи сивер, процив ФК „Червинка” зоз истоменого места, котра освоєла друге место у Подручней лиґи Зомбор.
Шампион у Подручней лиґи Суботица за сезону 2017/2018. то екипа ФК „Байша” зоз истоменого места котра ше директно пласовала до Войводянскей лиґи. Друге место и тиж бависко у баражу завжала екипа ОФК „Вербас”.
Пред початком змаганя була отримана и кратка святочносц на котрей ше длугорочни бавяч и капитен ФК „Искра” Дамир Ґубаш одпитал од активного фодбалу, односно закончел фодбалску кариєру, та му руководство Клуба на тот завод подаровало дрес и на тот способ подзековало за шицки роки котри препровадзел у клубу.
