Вчера бул Медзинародни дзень фамелиї

автор тнґ/зам фото зам
1.1k Опатрене

БЕОҐРАД – Вчера и у Сербиї означени Медзинародни дзень фамелиї, а з тей нагоди министерка без портфеля задлужена за демоґрафию у Влади Сербиї Славица Дюкич Деянович гварела же општини у штирох реґионох у Сербиї, медзи нїма и у Войводини, безповратно достаню 130 милиони динари за проєкти з обласци популацийней политики.

Явна поволанка за проєкти з тей обласци розписана 12. мая, тирва по 25. май и можу конкуровац шицки општини хтори у своїм буджету маю предвидзени средства за мири потримовки фамелиї, народзованю дзецох, як и же маю цело задлужене за демоґрафию.

По податкох Републичного заводу за статистику з априла того року, найвекшому ризику од худобства у Сербиї виложени праве фамелиї з троїма, лєбо вецей дзецми.

Медзинародни дзень фамелиї, 15. май, Ґенерална скупштина Зєдинєних нацийох запровадзела 1993. року, пре афирмованє фамелиї и фамелийних вредносцох, як и пре подзвигованє свидомосци о проблемох и питаньох фамелиї.

ПОВЯЗАНИ ТЕКСТИ