РУСКИ КЕРЕСТУР – На пригодни способ у Велькей сали Дому култури 140 дзеци зоз керестурского оддзелєня „Цицибан” ПУ „Бамби” вчера вечар достали пакецики з нагоди наиходзацого Крачуна, хтори им подзелєли шесцеро волонтере Християнскей гуманитарней орґанизациї „Блайсвуд” зоз Шкотскей.
У пригодним скечу зоз Дїдом Мразом, дзецом, їх родичом и воспитачком повинчоване наиходзаце швето народзеня Исуса Христа, а кед достали дарунки шицки Цицибанци госцом вишпивали даскельо новорочни и крачунски шпиванки.
Тоту гуманитарну акцию орґанизовала Протестанска баптистична церква у Руским Керестуре, а по словох єй службенїка Йовици Ґецана, „Блейсвуд” з нагоди Крачуна дзелї дарунки дзецом у велїх державох, та и у Сербиї, а першираз и у Керестуре.
