Додзелєни награди найлєпшим учашнїком конкурсу „Вода то благо”

автор vrbas.net/апм
1k Опатрене

ВЕРБАС – Найуспишнєйши учашнїки подобово-литературного конкурсу з тему „Вода то благо”, хтори орґанизовало ЯКП „Комуналєц”, под покровительством Општини Вербас и у сотрудїнцтве з Народну библиотеку „Данило Киш”, тих дньох достали награди.

Конкурс розписани з нагоди 22. марца – Шветового дня водох, зоз жаданьом же би предшколцох и школярох основних и стреднїх школох порушал на роздумованє о значносци водового ресурсу и потреби шпорованя води.  

На конкурсу участвовали вкупно 744 подобово и 159 литературни роботи, а медзи наградзенима подобовима роботами и Валентина Горняк з Предшколскей установи „Бошко Буха”, односно обєкту „Герлїчка” з Коцура.

Награди найуспишнєйшим придали директор ЯКП „Комуналєц” Синиша Адамович и руководитель Дїловней єдинки „Водовод и канализация” Мирослав Фейса, а после додзельованя наградох отворена и вистава подобових роботох на дзецинским оддзелєню Народней библиотеки.

У святочней програми участвовали школяре Основней музичней школи Вербас.

 

ruten 2

ПОВЯЗАНИ ТЕКСТИ