ВЕРБАС – На завартих базенох Центра за физичну културу „Драґо Йовович” у Вербаше пополнєни лєм цо нє шицки термини од пол осмей рано по 11 годзин вечар.
После реконструкциї, заварти базени у Вербаше знова барз нащивени, а тей сезони запровадзени додатни термини за гражданох, по штири годзини кажди роботни дзень и по осем годзини през викенд.
На завартих базенох обезпечени и окремни термини за пензионерох, цемних и слабовидих, як и за обуку нєплївачох. Вербас єден з ридких войводянских городох котри длужей як 30 роки орґанизує подполно безплатну обуку плїваня за основношколцох.
Од октобра тоту обуку прейду коло 700 школяре зоз дзевец основних школох у општини Вербас, а у плану же би тей сезони до програми за нєплївачох були уключени и школяре основних школох зоз сушедних општинох.