КОЦУР – Вчера у Доме култури у Коцуре, зоз представу „Лєнїва Марча“ у продукциї Етно клубу „Одняте од забуца“ и МО Рускей матки, котру режирала Таня Бркич по тексту Михала Нярадия, закончени тогорочни, 6. Днї театру „Владимир Сабо-Дайко”.
Пред тим, ґлумци драмскей секциї КУД „Жатва” одбавели представу „Кудлик Пудлик чека ґазду” котру, по тексту Штефана Чакана режирал предсидатель Дружтва Микола Шанта.
У публики преважно були дзеци, котри пришли потримац своїх парнякох и родзина дзецох.
На Дньох театру, пре оправдани причини, нє участвовала представа зоз Дюрдьова.
Орґанизаторе шестих Дньох театру „Владимир Сабо-Дайко”, на котрих през три днї приказани вкупно пейц дзецински представи, Етно клуб „Одняте од забуца“, Месни одбор Рускей матки Коцур и Културни центер Вербас.
