За полєшованє пол милиони динари

автор врбас.нет/ядю
856 Опатрене

ВЕРБАС – Явна аґенция за зоогиґиєну и польопривреду почнє полєшовац коло 4,5 гектари у Равним Селу, Савиним Селу и Косанчичу, зоз средствох хтори Општина Вербас прешлого тижня достала з Покраїнского буджетного фонду за лєси АП Войводини.

Предходних рокох у општини Вербас полєшени вецей як 50 гектари, алє и попри тим, тото подруче и далєй ма менєй од єден одсто желєнїдла.

Руководитель Сектора за полєшованє при Явней аґенциї за зоогиґиєну и польопривреду Марко Дюркович виявел же ше з полєшованьом почнє чим руши веґетация.

-Посадзиме насампредз баґрени, алє и тополї, и будземе ше намагац посадзиц древа хтори буду щициц од витру. Дзепоєдни древа хтори скорей засадзени нє напредую пре подли квалитет жеми, та и ту мушиме интервеновац – виявел Дюркович.

У Сербиї полєшене 29,1 одсто териториї, а у Войводини лєм 6 одсто.

ПОВЯЗАНИ ТЕКСТИ