Зложена лїстина кандидатох

автор маф
1.1k Опатрене

У парохиї св. оца Миколая у Руским Керестуре прешлого тижня, закончене предкладанє членох до нового Церковного одбору, список заключени 25. юлия, и оглашена лїстина зоз 13 кандидатами.

Спомедзи предложених парохиянє буду виберац 7 кандидатох до дванацчленого Церковного одбору, понеже у новим составе оставаю пейцме члени зоз предходного Одбору.

Лїстина кандидатох виложена на огласней табли у порти Катедралней церкви, та ше парохиянє старши од 25 рокох, годни вияшнїц на гласанкох за нови Одбор, хтори буду по конєц авґуста.

Церковни одбор ше вибера на пейцрочни мандат. Предложени кандидати по правилнїку о виборе мушели сполнїц одредзени условия – буц старши од 25 роки, поряднє окончовац свойо вирски длужносци и ходзиц до церкви, и голєм раз рочнє ше споведац, жиц по християнски, та других нї зоз чим нє соблажньовац. Член Церковного одбору нє може источашнє окончовац и даяку руководзацу службу у даякей другей установи лєбо орґанизациї у цивилним дружтве.

На предложени способ кандидатох парохиянє можу дац и свойо пригварки лєбо зауваги, цо мож окончиц у парохиялним уряду.

КАНДИДОВАНИ ДО ЦЕРКОВНОГО ОДБОРУ

На списку кандидатох за Церковни одбор находза ше шлїдуюци особи:
1. Славко Роман, Фрушкогорска ч. 58,
2. Михайло Рамач (апатикар), Роботнїцка ч. 23/1
3. Владимир Сопка, ЮНА ч. 154,
4. Мирон Будински, Маршала Тита ч. 125
5. Янко Няради (Лїптаков), Йовґена Сопки ч. 16
6. Александер Виславски, Русинска ч. 120
7. Владимир Чижмар, ЮНА ч. 87
8. Желько Папуґа, В. Назора ч. 99
9. Звонимир Гайдук, ЮНА ч. 41
10. Славко Хромиш, Фрушкогорска ч. 178
11. Сашо Рац, Яши Бакова ч. 10
12. Владислав Полдруги, Сопки Йовґена, ч 49
13. Славко Сивч, Лоли Рибара ч. 13.

ПОВЯЗАНИ ТЕКСТИ