ВЕРБАС – Прешлого тижня у Покраїнскей влади придати контракти седем здравственим установом у вредносци од 262 милиони динари за инвестицийне отримованє обєктох тих установох.
Контракти здравственим установом придали подпредсидатель Покраїнскей влади Дьордє Миличевич и покраїнски секретар за здравство доц. др Зоран Ґойкович. Єден з контрактох подписал и директор Общого шпиталю Вербас др Милан Попов.
По тим контракту, Общи шпиталь у Вербаше достал 3 милиони 039 тисячи 547,20 динари за адаптацию-реконструкцию простору за змесценє ЦТ апарату.
Як з тей нагоди визначел покраїнски секретар за здравство, з укладанями у тей обласци ше предлужує у цалей Войводини, и практично нє постої анї єден обєкт здравственей системи у Войводини у хторим ше хвильково нє роби даяки инфраструктурни проєкт.