ЖАБЕЛЬ – Општина Жабель розписала конкурс за додзельованє стипендийох за тот академски 2017/18. рок за успишних студентох на основних, дипломских, специялистичних, докторских и фаховних студийох (основних и специялистичних) на факултетох у Сербиї.
Стипендиї ше додзелює од першого року студийох, та надалєй. Условиє за доставанє стипендиї же би студенти од другого року мали оцени понад 9,00 а студенти першого року студийох же би у стреднєй школи у шицких штирох рокох мали просек 5,00.
Стипендию буду доставац дзевец мешаци, починаюци од 1. октобра того року, а винос будзе утвердзени з ришеньом предсидателя Општини. Прелиминарна лїстина будзе обявена по 25. новембер на урядовим сайту општини – www.zabalj.rs. на котрим мож опатриц шицки условия о конкурсу.
Конкурс тирва по 10. новембер того року, вимогу мож превжац на урядовим сайту Општни Жабель у оддзелєню за конкурси котри ше находзи на лївим боку першого боку сайта.