НОВИ САД – Диґитални технолоґиї оможлївюю будованє моцних, демократичних парламентох котри отворенши и транспарентнєйши за гражданох, порученє учашнїкох конференциї „Творенє диґиталних локалних скупштинох” котра ше вчера и нєшка отримує у Новим Садзе.
У роботи конференциї участвую вецей як 200 представнїки локалних скупштинох зоз цалей Сербиї, чераюци знаня и искуства и дискутуюци о темох як цо то значенє запровадзованя диґитализациї и е-парламента на локалним урованю, найлєпши пракси у жеми и иножемстве, спокуси, ресурси и правни рамики за поставянє диґиталного парламента, як и вплїв дружтвених медийох на пременку роботи парламентох.