Насилство над старима и далєй табу-тема

автор зам
1.1k Опатрене

БЕОҐРАД – З нагоди вчерайшого Медзинародного дня борби процив насилства над старима особами министер за роботу, обезпечованє роботи, борецки и социялни питаня Александар Вулин гварел же ше за остатнї пейц роки насилство над старима особами звекшало за 153 одсто, а прешлого року центром за социялну роботу приявени 3 050 случаї физичного, лєбо психичного насилства над старима.

На вчерайшей конфренециї „Злоставянє старших – цо далєй, як зопрец” министер Вулин гварел же,  попри физичного и психичного насилства, найвецей єст прияви и за занєдзбованє, економске, аж и сексулане насилство над старшима и у 38 случайох подзвигнута виновна приява процив насилнїкох, а у осем вимагана мира обовязного лїченя насилнїка.

Медзитим, як поведзене, насилство над старшима особами и далєй табу-тема, бо старши особи чежко и ридко приявюю свойо дзеци, лєбо найблїзших, за насилство над нїма.

Як гварел Вулин, Министерство на чиїм є чолє предложи же би ше формовало окремни Совит за старосц о старих, а з окремну кампаню тот рок означело як Рок медзиґенерацийней солидарносци. Прейґ медийох, односно видео-спотох, пробує ше мобилозовац явносц на спроцивйованє насилству у фамелиї, а окреме над старима особами.

– У Сербиї жиє милион 328 841 особа старша од 65 роки, з котрих 84 одсто прима пензию, а други пензию з даякей другей системи – на основи роботи у иножемстве, маю маєток, лєбо жию у ґаздовстве дзе голєм єден член ма пензию. Барз мале число без пензиї и то на шветовим уровню барз добри резултат, медзитим, то пошлїдок часу кед зме мали вельку занятосц. У шлїдуюцей децениї нам приходзи на наплацованє войнови час, час санкцийох, приватизованя, кед доприноси нє уплацовани, а нєзанятосц була екстремно висока и приходзи ґенерация з мало стажу, та уж тераз мушиме знац цо маме робиц и пририхтац ше за ришованє того проблему – гварел министер Александар Вулин.

ПОВЯЗАНИ ТЕКСТИ