НЮЙОРК (ЗАД) – Компания Фейсбук сообщела же фирмом и другим хасновательом хтори повязани зоз ширеньом нєточних новинарских вистох убудуце будзе забранєне оглашованє на тей дружтвеней мрежи.
Як пише маґазин ,,Форбс”, з Фейсбуку обявели же розвили и унапредзели алат „Повязани написи”, пре зменшанє циркулованя и уплїву нєправдивих и фалшивих висткох з хторима ше стрета явносц.
Хаснуюци унапредзену машинску технолоґию ученя, з Фейсбуку сообщене же тераз можу препознац вецей потенциялни спреводзки на дружтвеней мрежи и же ше их швидше унапрямює до ґрупи за преверйованє фактох, цо окончує треци бок.