БЕОҐРАД – Министерство роботи пририхтує давно наявени Закон о дочасовим анґажованю роботнїкох, ткв. сезонцох, котри роботу пренаходза на наднїцох, а шицки робя без уплацених доприносох за пензийне и здравствене осиґуранє.
По новим Закону, роботодаватель би мал буц у обовязки плациц доприноси за наднїчарох, без огляду на период на котри роботнїк анґажовани, а кед є кратши як 90 днї. Анґажованє роботнїкох на длужей як 90 днї уж реґуловане з другим Законом.
Идея же би ше запровадзело електронску систему, прейґ котрей би роботодавателє лєм за даскельо минути могли приявиц, односно одявиц роботнїка.
Роботодавателє спозорюю же би дополнююци трошки на мено доприносох роботнїкох вироятнє допринєсли зменшаню дньовнїцох.